Ertzaintzako agenteek gizonezko bat atxilotu zuten joan den ostegunean Errenterian, iruzur-delitua leporatuta. Arrastatuak diru faltsua erabili zuen joko-areto bateko makinetan apustu egiteko.
Urriaren 26an Ertzaintzan salatu zuten Errenteriako joko-areto bateko makinetan billete faltsuak erabili zituztela. Salaketaren arabera, manipulatutako 50, 20 eta 10 euroko 2.000 billetetik gora aurkitu zituzten. Dirudienez, billete bat sartzen zuten apustu-makina batean eta balio txikiko apustu bat egiten zuten, esate baterako, 2 eurokoa, eta gainerako dirua ordainketa-tiket moduan itzultzen zen eta tiket hori dirutan ordaintzen zen establezimenduan bertan.
Gertaeraren berri izan ondoren Errenteriako Ertzain-etxeak egindako ikerketari esker identifikatu ahal izan zuten iruzurgilea. Susmagarria joan den ostegunean aurkitu eta arrastatu zuten, eta 10 euroko billete faltsu bat aurkitu zioten.
Atxilotua, 49 urteko gizonezkoa, atzo arratsaldean eraman zuten epailearen aurrera.
