PRUEBA
Elorrion emakume bat hil da arratsaldeko bostetan, bertako Argiñeta etorbidean motozikleta batek harrapatu ondoren. Istripuaren ondoren, motozikletaren gidariak motozikleta bertan utzi eta korrika alde egin du, eta Ertzaintzako patruilak haren bila ari dira.
Ezbeharra arratsaldeko bostak aldera gertatu da Elorrioko Argiñeta etorbidean, oraindik argitu ez diren arrazoiengatik motozikleta batek emakume bat harrapatu duenean.
Emakumea lurrean etzanda eta konorterik gabe geratu da, eta motozikletaren gidariak ibilgailua bertan utzi eta korrika alde egin du.
SOS-Deiak/112 zerbitzuak istripuaren berri izan duenean, Ertzaintzako eta Udaltzaingoko patruilak eta Osakidetzako ZIU mugikor bat eta helikoptero bat bidali ditu bertara.
Istripua gertatu den lekura iritsi direnean, ZIU mugikorreko medikuak emakumearen heriotza ziurtatu baino ezin izan du egin.
Ertzaintzak motozikletaren gidaria identifikatzeko eta aurkitzeko ikerketa hasi du.
