Ertzaintzak 22 urteko gazte bat atxilotu zuen atzo arratsaldean Aian, autoan bi kilo marihuana hartuta zirkulatzen ari zenean. Bestalde, arrastatuak eskopeta bat eta munizioa ere bazeramatzan, nahiz eta ez zuen armak erabiltzeko baimenik.
Ertzaintzako Urola-Kostako herritarren babeserako baliabideek auto bat geldiarazi zuten atzo arratsaldean GI-2631 errepidean, Aiako udal-barrutian, Covidaren aurkako prebentziozko kontrol batean, aurretik mugimendu zakarrak egiten ikusi baitzuten. Agenteek marihuana usain handia hartu zuten autoan, eta miatzea erabaki zuten, beraz. Horrela, marihuana zuten bost poltsa, guztira kilo bat eta zortziehun gramo, ehizarako eskopeta bat eta armarako munizioa aurkitu zituzten. Ebidentzien aurrean, gaztea droga-trafikoaren delitua eta armak zilegi ez den moduan edukitzea leporatuta atxilotu zuten, ez baitzuen armak erabiltzeko baimenik. Arrastatua Urola-Kostako Ertzain-etxera eraman zuten dagozkion polizia-eginbideak egitera, eta gaur goizean zehar eramango dute agintari judizialaren aurrera.
