Gaur eguerdian Ertzaintzaren helikoptero bat eta Zaintza eta Erreskate Unitateko Mendiko Ataleko agenteak mobilizatu dira Gasteizko udal-barrutian, Oto Goikotik hurbil, dagoen Los Goros kobazulo ingurura, erori eta zaurituta geratu den 60 urteko gizon bat erreskatatzera.
Hamabiak eta hamar aldera, larrialdiak koordinatzeko SOS Deiak 112 zerbitzuak ohartarazi du gizon bat buruan min hartuta zegoela Los Goros kobazuloaren sarreran hainbat metrotan behera erori ondoren. Eusko Jaurlaritzako Larrialdiei Aurre Egiteko Zuzendaritzako teknikari batek larrialdietako hainbat zerbitzu bideratu ditu esandako lekura, horien artean Ertzaintzaren helikoptero bat. Helikopteroak Arabako hiriburuko ospitale batera eraman du istripua izan duen gizona, 60 urteko gasteiztarra.
