Ertzaintzak nazionalitate atzerritarra duen 28 urteko gazte bat atxilotu zuen atzo goizean Arabako hiriburuan, gidabaimena eskuratzeko azterketa beste pertsona baten ordez egiten saiatu ondoren.
Atzo goizean Arabako Trafikoko Buruzagitzatik deitu zuten azterketa egitera zihoan pertsona batek aurkeztutako dokumentazioak zalantzak sortzen zizkiela esanez.
Adierazitako lekura agertu zen Ertzaintzaren baliabide batek egiaztatu zuen 28 urteko gazte batek aurkeztu zuen dokumentazioak ez zirudiela benetakoa. Gazteari esan zioten polizia-egoitzan dokumentazioa egiaztatzeko dagozkion izapideak egin behar zituztela, eta gazteak onartu egin zuen.
Polizia-egoitzan egindako ikerketa-kudeaketen bidez egiaztatu ahal izan zuen Ertzaintzak gaztearen benetako identitatea, bai eta aurkeztu zuen dokumentazioa faltsua zela eta gidabaimena eskuratzeko azterketa egiteko beste pertsona baten lekua hartzeko asmoa zuela ere.
Horren aurrean, ertzainek atxilotu egin zuten agiri publikoa faltsutzea eta identitatea usurpatzea leporatuta.
Gizona polizia-egoitzan dago dagozkion polizia-eginbideak gauzatzen dituzten bitartean, eta goizean zehar eramango dute agintari judizialaren aurrera Gasteizko Guardiako Epaitegian.
