Aveq-Kimikak, Euskadiko Enpresa Kimikoen Elkarteak, Eusko Jaurlaritzako Segurtasun Sailarekin lankidetzan, larrialdi kimikoetarako sirenak aktibatzeko ariketa batzuk egingo ditu datorren abenduaren 1ean, 2an eta 3an. Ariketa horiek Lantarongo, Muskizeko, Santurtziko, Luzueroko eta Hernaniko hainbat enpresatan egingo dituzte, eta ariketak osatzeko SOS Deiak zerbitzuaren app erreminta berria, “alderantzizko 112” izenekoa, aktibatuko da.
Alderantzizko 112 app-aren bidez sortutako autobabes-abisuak ustezko larrialdiaren eraginpeko eremuetan dauden gailuetara bakarrik bidaliko dira, eta zerbitzu berri horren erabiltzaileek aktibatuta izan beharko dute aplikazioaren GPS sistema.
Larrialdi kimikoetarako sirenak aktibatzeko ariketen helburu nagusia izango da hurbileko biztanleak alarma-sistema horretara ohitzea hain zuzen, SEVESO araudiaren menpeko industria kimikoetan sor litezkeen ihes toxikoek eragindako istripuei begira. Araudi horrek substantzia arriskutsuak tartean dituzten istripu larrien prebentzioa arautzen du.
SIMULAZIOEN EGUNAK ETA ORDUTEGIAK / FECHAS Y HORARIOS DE LOS SIMULACROS
| Data
Fecha |
Tokia
Lugar |
Enpresa
Empresa |
Gunea
Zona afección |
Ordua
Hora |
| 2020/12/01
01/12/2020
|
Lantaron
|
Dekitra
General Química HexionLantaron
|
Lantaron | 10:00 |
|
2020/12/02 02/02/2020
|
Muskiz | Petronor | Muskiz
Abanto – Zierbena Zierbena |
10:00 |
| 2020/12/02
02/12/2020 |
Santurtzi | Puerto de Bilbao
Bilboko Portua |
Santurtzi
Getxo Portugalete Zierbena |
11:00 |
|
2020/12/02 02/12/2020 |
Punta Luzero | Puerto de Bilbao
Bilboko Portua |
Punta Luzero | 11:30 |
|
2020/12/03 03/12/2020 |
Hernani | Electroquímica Hernani | Hernani | 10:00 |
MAHAI-SIMULAKROA (BARNEKOA)
Lantaronen abenduaren 1erako aurreikusitako sirena-ariketarekin batera, Segurtasun Saileko larrialdietako teknikariek barneko mahai-simulakro bat egingo dute Euskadiko Larrialdiak Koordinatzeko zentroan, hipotesitzat hartuta DEKITRA SA enpresan kamioi zisterna bat husteko prozesuan, konexio-hodi bat hautsi izanaren ondorioz, gertatutako kloro-ihesa.
Kloro-ihesak aldi berean hodei toxiko bat sortuko du, eta 3. kategoriako istriputzat hartuko da (biktimak, kalte material larriak edo industriaren kanpoaldean, eremu zabal batean, ingurumenean eragin larriak izan dituen istripua).
Ariketaren helburua izango da barruti batean gertatutako larrialdi baten aurrean SOS Deiak Larrialdiak Koordinatzeko Zentroak ematen duen erantzun operatiboa testatzea, irailaren 21eko 840/2015 Errege Dekretuari, Substantzia arriskutsuek eragindako istripu larriek berezko dituzten arriskuak kontrolatzeko neurriak onartzen dituenari, jarraituz.
Mahaiaren ariketak honako alderdi hauek ere landuko ditu:
- Koordinazioa era horretako ezaugarriak dituen gertaera batekin zerikusia duen pertsonalarekin.
- Inplikatutako agentziekin eta administrazioekin ezartzen diren komunikazioen ebaluazioa.
- Industriaren kanpoko Larrialdi Plana berrikustea eta, hala badagokio, eguneratzea.
- Gertaeraren berezko prozedurak berrikustea eta, hala badagokio, eguneratzea.
