Euskal Lankidetza Publikoaren Atariak aukera ematen du aipatutako erakunde publikoek laguntzen dituzten elkartasun-ekimenen ikuspegi orokorra izateko, horiek baitira Euskadin garapenerako lankidetzari funts publiko gehien eskaintzen diotenak.
Garapenerako lankidetzako eta ekintza humanitarioko ekimenei dagokienez, funts gehien jaso zituzten herrialdeak dira: Guatemala (% 8,2), Peru (% 7), Kolonbia (% 6,4), El Salvador (% 5,6), Bolivia (% 5,3), Ekuador (% 4,2), Senegal (% 4,2), Palestina (% 2,9), Kuba (% 2,8), Kongoko Errepublika Demokratikoa (% 2,8) eta Saharako Arabiar Errepublika Demokratikoa (% 2,4).
Funts horiei esker, 3.400 ekimenetik gora akonpainatzeko aukera izan da; gehienak garapenerako lankidetzarako proiektuetarako, laguntza humanitariorako eta larrialdi-laguntzarako, eta gizartea eraldatzeko hezkuntza-proiektuetarako izan dira, eta, neurri txikiagoan, administrazioko, ebaluazioko eta sektorea planifikatu eta indartzeko gastuak estaltzeko.
Europara zuzendutako funtsen portzentajeari dagokionez (% 20,5), Euskadi da funts gehien jaso zituen lurraldea (% 16,4), gizartea eraldatzeko hezkuntzaren aldeko apustuaren adierazgarri. Gainerako % 4,1 Europako mugetako krisi humanitarioak eragindako errefuxiatu eta migratzaileei arreta emateko erabili da.
Donostiako Udalaren webgunetik, Euskadiko erakunde publiko nagusiek laguntzen dituzten elkartasun-ekimenei buruzko informazioarekin batera, Gizarte Eraldaketarako Lankidetza eta Hezkuntza Sailak babestutako proiektu espezifikoak kontsulta daitezke.
