Ertzaintzak 49 urteko gizon bat arrastatu du goizaldean Bizkaiko hiriburuan, bikotekide ohiaren sexu-askatasunaren kontrako delitua leporatuta. Erasoa atzo arratsaldean gertatu zen Durangaldeko herri batean. Gizona gaur eguerdian jarri dute agintari judizialaren eskuetan, eta epaileak berehala espetxean sartzeko agindua eman du.
Erasoa atzo arratsaldean gertatu zen biktimaren etxean, Durangaldeko herri batean. Biktimak Ertzaintzaren aurrean salatu zuen bikotekide ohi batek sexu-harremanak izatera behartu zuela.
Durangoko Ertzain-etxeko ikerketaren arloko agenteak egin ziren kasuaren kargu, eta ustezko erasotzailearen eta delituaren ebidentzien bila hasi ziren. Susmagarria goizaldean aurkitu dute Bilbon, eta berehala atxilotu dute.
Dagozkion eginbideak amaitu ondoren, gizonezkoa gaur eguerdian bertan jarri dute agintari judizialaren eskuetan Durangon, eta epaileak espetxean berehala sartzeko agindua eman du.
