Ertzaintzak 21 eta 26 urteko bi gazte atxilotu zituen atzo arratsaldeko lehenengo orduan Pasaian kilo laurden marihuanarekin, eta gaur goizaldean hamabost bat speed dosi zeramatzan beste gazte bat atxilotu du.
Ertzaintza Pasaia inguruan droga-trafikoa kontrolatzeko egiten ari zen ikerketaren testuinguruan, Errenteriako Ertzain-etxeko agenteek 26 urteko emakume bat eta 21 urteko gizon bat atxilotu zituzten atzo arratsaldean osasun publikoaren aurkako delitu bat leporatuta. Arrastatu zituzten unean 250 gramo marihuana zituen poltsa bat zeramaten.
Bestalde, gaur goizeko lehenengo orduan 18 urteko emakume bat atxilotu dute Irungo Santiago auzoan, saltzeko prest zituen hainbat speed dosirekin. Speedez gainera, 235 euro ere atzeman dizkiote balio ezberdinetako billetetan banatuta, ustez substantzia horien salmentakoak. Arrastatu duten emakumea norbaiten zain bezala zegoen gaur goizeko seiak baino lehentxeago 24 orduan irekita egoten den autozerbitzu-establezimendu batean. Patruila ikusi duenean, zerbait bota du lurrera, eta agenteei deigarria egin zaie hori eta hurbildu direnean labana bat zela egiaztatu ahal izan dute. Delituren bat egiten ari zela susmatuta, patruilak prebentziozko gorpuz-miaketa egin diote, eta arropa artean ezkutatuta aurkitu dizkiote dirua eta legez kontrako substantziak.
Atxilotutako hiru pertsonak polizia-egoitzan daude, eta datozen orduotan eramango dituzte agintari judizialaren aurrera.
