Espainiako selekzioak Gabonetako Saria jokatuko du gaur hasi eta larunbatera bitartean Errusiako hiriburuan. Hautatzaileak 16 jokalari deitu ditu txapelketa hau jokatzeko, eta horien artean da Jon Azkue oriotarra. Gaur Argentinaren aurka jokatuko du.
Argentina izango du aurkari Espainiako selekzioak Gabonetako Sariko lehen norgehiagokan. Partida 14:00etatik aurrera jokatuko da, eta streaming bidez ikusteko aukera izango da, hemen.
Bihar jokatuko dute txapelketako bigarren partida, Errusiaren aurka.
Hiru selekzio hauek Munduko eskubaloi txapelketa jokatuko dute, urtarrilaren 13tik 31ra bitartean, Egipton. Hilaren 10ean jakingo du Azkuek mundialean izango den edo ez.
