Joan den ostiralean ertzainek emakume bat atxilotu zuten Beasainen bikotekideari labana sartu izanagatik.
Gaueko hamar eta erdiak aldera, poliziaren laguntza eskatu zuten Beasaingo etxe batetik, eraso bat gertatu baitzen. Agenteak higiezinera iritsi zirenean, gizon bat aurkitu zuten lehenengo solairuan ahuspez etzanda. Gizona odoletan zegoen bizkarrean zuen zauri batetik, eta bizilagun bat zauria ixten ari zitzaion. Zaurituak esan zuen eztabaida handia izan zuela bikotekidearekin, eta halako batean etxetik alde egitea erabaki zuela. Alde egitera zihoala, ziztada handi bat sentitu zuen bizkarraren beheko aldean, eta labana sartu ziola konturatu zen. Gero lehenengo solairura jaitsi zen bizilagunari laguntza eskatzera. Handik laster iritsi ziren lekura osasun-langileak, eta lehenengo laguntza bertan eman ondoren Zumarragako ospitalera eraman zuten, eta bertan ospitaleratu egin zuten.
Bien bitartean, beste ertzain batzuk ustez erasoa gertatu zen etxera igo ziren, eta ustezko erasotzailearekin hitz egin ondoren, arrastatu egin zuten. Atxilotu zuten emakumeak 52 urte ditu, eta larunbat goizean jarri zuten agintari judizialaren eskuetan.
