Datorren urtarrilaren 26an eta 27an, asteartean eta asteazkenean, Kostatik Arkolla auzorako sarbidea itxita egongo da Llobregateko igoeratik, lursail pribatu batean izandako lur-jausi bat garbitzeko.
Gonzalo Carrión Obra eta Zerbitzuetako zinegotziak jakinarazi duenez, «2020ko abenduaren 9an luizi bat gertatu zen titulartasun pribatuko lursail batean, Llobregatetik Arkollera igotzeko errepidera ematen duena. Segurtasunagatik, berehala balizatu zen eremua eta gorabeheren parte bat idatzi zen. 2020ko abenduaren 28an, udal-zerbitzu teknikoek ikuskapen-bisita egin zuten, eta egiaztatu zuten eroritako materialak kendu gabe zeudela eta lursailean beste lur-jausi batzuk eragin zitzaketen lurrak zeudela, bai eta kontrolik gabeko landaredia ere».
«Eremuaren egoera prekarioa eta luizi-arriskua ikusita, Udalak lursailaren jabeari eskatu zion, gehienez ere 5 eguneko epean, galtzadara eroritako elementuak kentzeko, eta, gehienez ere 15 eguneko epean, segurtasuna bermatzeko beharrezko segurtasun-neurriak har zitzala, erortzeko arriskua duten elementuak kentzeko gaitutako teknikariak dituen enpresa espezializatu baten bidez» adierazi du Carrionek.
«Udalak lursailaren jabeari emandako epea, legez nahitaezkoa dena, igaro ondoren, eta eskatutakoa betetzen ez denez, Udalak Euskadiko Lurzoruari eta Hirigintzari buruzko 2/2006 Legearen 203.4 artikuluan aurreikusitako edozein neurri hartuko du, eta obrak datorren 26an eta 27an egingo ditu, errepidea itxita egongo delarik».
