Ertzainek 31 urteko gizon bat atxilotu zuten asteburu honetan, Gasteizen, osasun publikoaren aurkako delitu bat leporatuta. Arrastatua autoa modu axolagabean gidatzen ari zenean geldiarazi zuten, eta ustez speeda zuten hainbat poltsatxo eta 300 euro aurkitu zizkioten.
Ostiraleko arratsaldeko lau eta erdiak aldera, herritarrak babesteko lanetan ari zen Ertzaintzako uniformerik gabeko patruila batek auto bat ikusi zuen La Paz kalean abiadura handian zirkulatzen, eta etengabe errei batetik bestera igarotzen eta aurreratzen. Polizia-dotazioak autoa geldiarazi zuen, eta barruan bi pertsona zihoazen. Identifikatzen ari zirenean, gidaria urduri samar jarri zen, eta praka-poltsikoan substantzia zuri bat, ustez speeda, zuten eta berrogei bat gramo pisatzen zuten plastikozko lau poltsatxo aurkitu zizkioten. Jaka batean hirurehun euro aurkitu zizkioten kopuru ezberdinetako billetetan banatuta. Ebidentzia horien aurrean, atxilotu egin zuten.
