Lehendakariorde eta Lan eta Enpleguko sailburu Idoia Mendiak gogorarazi du egungo DSBEak sektore kalteberenak babesten dituela, eta abian den erreformaren helburua adingabeak eta pentsiodunak dauden etxeetan intentsitate handiagoz egitea dela.
Guraso bakarreko familiei ematen zaien babesa zalantzan jartzen zuen interpelazio parlamentario bati erantzunez, lehendakariordeak jakinarazi du 2020. urtearen amaieran DSBEa jasotzen zuten 54.747 hartzaileetatik %30 (16.587) direla adingabeak dituzten bizikidetza-unitateak, eta horietatik %93 (5.170) dutela emakume bat buru. Gainera, bi urtetik gorako adingabeak dituzten 291 bizikidetza-unitate berezi daude. Horrez gain, 2021eko aurrekontuetan 459,5 milioi euro aurreikusten dira gizarte-babeseko inbertsioetan, aurreko ekitaldian baino 10 milioi gehiago, handitu daitekeen partida batean.
Datu horiekin, eta pobreziari eta gizarte-desberdintasunei buruzko azken inkestak ematen dituenekin, zeinak babes-neurrien eraginkortasuna adierazten baitu, %98,7a bazterkeria-arrisku handia duten pertsonengan inbertitutakoa, lehendakariordeak gizarte-babeseko egungo euskal sistemaren balioa aldarrikatu du, erreformaren bidez hobetu nahi dena.
«Nire Sailak arazoei irtenbidea ematen jarduten du, eta dagoeneko lanean ari da eredu finkatu batean, zeinak, gainera, eraikitzen ari den eredu bat integratu behar duen, hala nola Bizitzako Gutxieneko Diru-sarrera, Euskadin aspaldi egiten ari garenari asko begiratzen diona. Eredu horrek hobeto iritsi nahi die pentsiodunei eta adingabeak dituzten etxekoen unitateei, eta errenta jasotzeko eskubideari ez ezik, gizarteratzeko eta laneratzeko eskubideari ere erreparatu nahi dio «, azaldu du.
