Lehendakariordea eta Lan eta Enpleguko sailburua, Idoia Mendia, 45 Activoseko ordezkariekin bildu da gaur, lan-munduan adinagatiko diskriminazioaren aurka borrokatzen duen kolektiboa, eta eman die zuzentzen duen sailak, Lanbiderekin lankidetzan, birziklatzea eta laneratzea errazteko duen erronkaren berri.
Izendatu zutenetik Euskadiko eragile politiko, sozial eta ekonomikoekin izan dituen bileren esparruan, lehendakariordeak eta Alfonso Gurpegui Enplegu eta Gizarteratzeko sailburuordeak gaur hitz egin dute Antonio de la Calle presidentearekin eta David Sánchez idazkariarekin, Euskal Autonomia Erkidegoko +45 Activos kolektibokoak.
Bilera horretan, lehendakariordeak berretsi du Jaurlaritzaren programan jasotako konpromisoetako bat dela zailtasun handienak dituzten langabeen laneratzea sustatzea eta laneratzea hobetzea, tokiko eta eskualdeko enplegu-planen bidez. Foru-aldundiekin eta toki-administrazioekin lankidetzan garatuko dira, eta gizarte-bazterkeria jasateko arriskuan dauden pertsonei, dibertsitate funtzionala dutenei, gazteei, 45 urtetik gorakoei eta luzaroko langabeei zuzendutako ekimenak lehenetsiko dira.
45 urtetik gorako pertsonen kasuan, Mendiak uste du «Kronikotasunean galdu ezin den esperientzia eta ezagutza duen kapitala» dela. «Egoera hori aspalditik egiteke dagoen erronka da eta gizarte-arraila sortzen du», gaineratu du, eta horregatik adierazi die Lan eta Enplegu Sailak «besteak beste, adinagatik mugatzen duten jarduera ekonomikoetan adinaren kudeaketa lantzen diharduela, pertsona horien ahalmena hobeto aprobetxatzeko». Horregatik, eta Lanbide Euskal Enplegu Zerbitzuarekin tresna publiko gisa, «Birziklatzea eta laneratzea errazten duten programak diseinatzen ari dira». Zehazki, prestakuntza integraleko eta laneratzeko laguntza pertsonaleko ekintzen bidez, genero-ikuspegia barne.
