Larunbat arratsaldean, Ertzaintzako Zaintza eta Erreskate Unitateko Mendiko Ataleko agenteek eta helikoptero batek Toloño mendizerran, Pipaonen, Lagrango udal-barrutian, mendian zebilela orkatilan min hartu zuen gizon bat erreskatatu dute eta Gasteizera eraman zuten.
Arratsaldeko 15:40 aldera, SOS Deiak 112 larrialdietako zerbitzuak dei bat jaso zuen Toloño mendizerratik. Berriemailearen arabera, beste pertsona batzuekin batera zihoan mendizale batek orkatila bihurritu zuen eta ezin zuen ibili. Min hartu duen gizona eta gainerako mendizaleak Cervera eta Recilla gailurren artean dagoen zabalgune batean zeuden.
Min hartutako gizona zegoen lekura iristeko zailtasunak ikusita, Larrialdiei Aurre Egiteko Zuzendaritzako teknikari batek Ertzaintzaren helikoptero bat bidali zuen erreskatatzera. Helikopteroak zauritua jaso eta Arabako hiriburura, Lakua auzoko errugbi-zelaira, eraman zuen. Kirol-instalaziotik anbulantzian eraman zuten hiriko ospitale batera 52 urteko gizona.
