URAk Uraren Euskal Agentziak, Eusko Jaurlaritzako Ekonomiaren Garapen, Iraunkortasun eta Ingurumen Sailari atxikia, Atxondoko Maortuerreka errekaren ezkerraldeko zati bat zaharberritu du, ibaiertzeko landaredi txirikordatu bizia erabiliz.
Hau da, zuhaixken eta zuhaitzen adarrak txirikordatu dira ibaiertzean, ernaberritzeko egokiak, eta ezponda egonkortu da berreskuratutako enborren bidez. Ondoren, lurrez bete da, koko-manta jarri da eta ibaiertza erriberako espezieekin landatu da.
Jarduera otsailaren 9tik 12ra bitartean egin zen, eta 7.182 euroko inbertsioa izan du, BEZa barne.
Jarduketaren helburua ertza linealki egonkortzea izan da, ibaiarentzat hain erasokorra izango ez den moduan, luzetarako jarraitutasuna ahalbidetuz eta ibaiertzeko baso autoktonoaren hazkundea sustatuz.
Jarduketa udalak eskatuta egin da, errekaren goiko urek ezkerraldeko lursail mugakidera egiten baitzuten gainezka.
