Larunbateko lehenengo orduan, Ertzaintzaren helikoptero batek Irumugarrietan erori eta min hartu zuen mendizale bat erreskatatu zuen. Biktima berrogei bat metroan erori zen aldapan behera.
Arratsaldeko ordu biak aldera, partikular batek larrialdietarako SOS DEIAK 112 zerbitzura deitu zuen Gaintzatik Irumugarrietarako igoeran istripu bat gertatu zela esanez. Dirudienez, mendizalea maldan behera erori zen, eta kolpearen ondorioz konortea galdu zuen.
Nafarroako mugan gertatu zen istripura Tolosako suhiltzaileak eta Osakidetzaren eta Ertzaintzaren helikopteroak bidali zituzten. Lekura hurbiltzeko zailtasunak zirela eta, Ertzaintzaren helikopteroak erreskatatu zuen zaurituta zegoen mendizalea, eta Osakidetzaren helikopterora eraman zuten, eta honek osasun-zentro batera eraman zuen.
