Lan horien baitan, alde batetik, auzoko saneamendu sarea orokorrarekin lotzeko hainbat obra egingo dira; besteak beste, auzoko komun publikoak. Horretaz gain, azpiegiturei dagokionez, argiteria, elektrizitate eta telefonia kanalizazioak egingo dira auzoan.
Beste aldetik, berriz, frontoiko estalkian dauden itoginak eta hezetasunak konponduko dita. Horretarako dauden teilak kendu eta horien azpian dagoen egitura iragazgaiztuko da, estalkiaren gainazal osoan taula hidrofugoak eta iragazgaizte-xafla bat instalatuz. Era berean, egoera txarrean dauden teilak eta oso hondatuta dauden egiturako egurrezko habeak birjarriko dira. Frontoiko frontiseko zuloak konpondu eta pintatu ere egingo da.
Azkenik, elizako sarreran dagoen ataripeko estalkia iragazgaiziko da, fatxadaren eta estalkiaren arteko zuloan mortero bat aplikatuz. Era berean, egoera txarrean dauden teilak eta kanaleta berriz jarriko dira.
Lanek, gehienez ere 140.472,61€ko aurrekontua izango dute eta proposamenak aurkezteko azken eguna apirilaren 26a izango da. Behin kontratua esleituta, bi hilabeteko epea izango du esleipendunak obrak egiteko.
