Familia-liburua beharrezkoa da zenbait izapide egiteko, hala nola NANa lehen aldiz eskuratzeko, gure seme-alaba adingabeen pasaportea eskuratzeko edo gure abizenen ordena-aldaketa egiaztatzeko. Baina normalean erabiltzen ez dugun dokumentua denez, gerta daiteke kaxoi batean hondatzea edo, besterik gabe, galtzea eta aurkitzeko gai ez izatea. Dibortzioa gertatuz gero ere, bikoiztua behar izango duzu, baldin eta zure bikotekide ohia jatorrizkoarekin geratu bada.
Ba al dakizu familia-liburuaren kopia bat eska dezakezula kasu hauetarako edo beste batzuetarako? Horretarako, egoitzagatik dagokizun Erregistro Zibilera edo Bake Epaitegira jo behar duzu. Gogoan izan familia-liburuaren kopia bikotekideetako batek edo gurasoetako batek eskatu behar duela.
Gogoratu:
- Erregistro Zibilean sartzeko aldez aurretik hitzordua eskatu behar duzu. Justizia.eus-eko Aurretiko Hitzordu Zerbitzuaren bidez har dezakezu Erregistro Zibilarekin hitzordua.
- Galeragatik edo narriaduragatik bikoiztua eskatu nahi baduzu, dokumentu hau aurkeztu behar duzu: familia-liburuaren bikoiztua eskatzeko agerraldia, galeragatik edo narriaduragatik – Erregistro Zibilean aurkeztu beharreko inprimakia. Deskargatu eta aldez aurretik beteta eraman dezakezu.
Egoera hauek ere kontuan har ditzakezu:
- Banandu edo dibortziatzen bazara, aldeetako batek kopia bat eskatu beharko du. Bi liburuak indarrean egongo dira.
- Beste bikote batekin seme edo alaba bat baduzu, beste Familia Liburu bat behar duzu.
- Izatezko bikotea bazara, Familia Liburua semea edo alaba dagokion Erregistro Zibilean edo Bake Epaitegian inskribatzen denean eskuratzen da.
