Gaur, Lanbide-Euskal Enplegu Zerbitzuak prestakuntza-premiak Aztertu eta Hautemateko Aholku Batzordea berraktibatu egin du. Batzorde hori sortu da, batetik, enplegu-eskaera aurreratzeko; eta, bestetik, politika aktiboak egokitzeko jarduera ekonomikoak sortzen dituen aukera berrietara.
Idoia Mendiak —lehendakariorde eta Lan eta Enpleguko sailburuak— saio honetan parte hartu nahi izan du. Bertan, Alfonso Gurpeguik —Enpleguko sailburuordeak— eta Gloria Múgicak —Lanbideko zuzendari nagusiak— 2021erako lan-planaren proposamena azaldu dute. Proposamen horren bidez, inplikatu nahi dira bai Eusko Jaurlaritzako gainerako sailak, bai eta foro honetan parte hartzen duten eragile ekonomikoak eta sozialak ere. Eta
Enplegu-politika aktiboak eraldatzeko prozesu batean inplikatu nahi dira; zertarako eta lotzeko langileen prestakuntza-beharrak eta enpresek dituzten profesional-beharrak.
Mendiak gogorarazi du 2030erako Enpleguaren Euskal Estrategiak, Eusko Jaurlaritzak duela astebete adostutakoak, enplegu-politika aktiboen eraldaketa bilatzen duela, eta, horretarako, Lanbideren antolaketa eta funtzionamendua bera ere egokitzen ari dela.
«Herrialdeko gai estrategiko bat da. Ez Gobernuarena, gizarte osoarena baizik. Izan ere, gure funtsezko erronketako bat da enplegu-aukerak eskatzen duten pertsona guztiengana iristea, eta enpresen enplegu-proposamenek, orain bizi dituzten baina etorkizunean bizitzen jarraituko duten etengabeko aldaketetara etengabe egokitzeak, enplegu-zerbitzu publikoan erantzuna izatea, hori baita Lanbideren izateko arrazoia duela hamar urte sortu zenetik » azaldu du.
Ildo horretan, lehendakariordeak gogorarazi du digitalizazio-proiektuak helburu duela langileak askatzea bide informatikotik egin daitezkeen administrazio-izapideetatik. «Baina, era berean, 360 graduko behatoki bat izan nahi du: batetik, enpresen eta langileen beharrizanak antzematen dituena; eta bestetik, plantillari aukera ematen diona zentratzeko enplegurako prestakuntzan, orientazioan eta aktibazioan».
Batzordean Hezkuntza eta Ekonomiaren Garapen Sailetako eta gizarte-eragileetako ordezkariek ere parte hartzen dute. Prozesu horretan, Batzordeak aholkularitza-foro hutsa baino gehiago izatera pasatu behar du; batzordekideek helburu berean bete-betean parte har dezaten. Horretarako, lan-plan zehatza proposatu da, aldizkako bilerak barne hartzen dituena.
