Datorren ikasturtean, 2021-2022an, eskola kirol egokituaren eskaintza bat osatzeko helburuz, lankidetzan ari dira hainbat eragile eta erakunde azken hilabeteotan. Kirola egitea, eskubide bat da; eta, aniztasun funtzionala duten herritarrei eskubide hori bermatzeko proiektu bat abian jartzea da helburua.
Azpeitiko Udalak eta Azkoitikoak, Gipuzkoako Foru Aldundiak, Gipuzkoako Kirol Egokituen Federazioak eta Marea Urdinak orain arte egindako lanari jarraipena emateko proiektua aurkezteko lanean dihartute orain. Aste honetan, herriko ikastetxe guztietako arduradunei aurkeztu zaie proiektua.
Bihar, familiekin bilera
Kirol eskaintza beharretara ahalik eta gehien egokitzeko, beharrezkoa da kirol egokituan parte hartuko duten horiek ezagutzea. Horregatik, bihar, maiatzak 14, ostirala topaketa bat egingo da familiekin, 17:30ean igerilekuan.
Bileraren dinamizazioaz Gipuzkoako Kirol Egokituen Ferderazioa arduratuko da. Batetik, familien premiak entzun eta jasoko dira eta bestetik, ikasleen gaitasun eta trebeziak ezagutzeko jolas dinamika batzuk garatuko dira.
COVID-19 neurriak betetzeko, eta bereziki, topaketen barne antolaketarako ezinbesteko izango da izen ematea. Izen emateko edo topaketaren inguruko informazio gehiago nahi duenak Kirol Egokituen Federazioarekin jarri beharko du harremanetan.
Telefonoa: 943.462.514 (09:00etatik 14:00etara, astelehenettik ostiralera)
Posta elektronikoa: info@gkef-fgda.org
