Begiraleen lan poltsa
Udalekuan aurrera eramateko, ezinbestekoak dira begiraleak eta heziketa behar berezietan adituak; eta lan-poltsa osatzeko prozesua abian jarri du udalak. Hortaz, udalekuetan lan egin nahi dutenek maiatzaren 28a, ostirala, baino lehen beren curriculuma hbidali beharko dute gib@azpeitia.eus helbide elektronikora. Baloratuko diren jakintzak honakoak izango dira:
• Begirale titulua izatea.
• EGA edo bere baliokidea izatea.
• Hezkuntzarekin zerikusia duten ikasketak izatea edo burutzen egotea.
• Lan eskarmentua antzeko lanetan.
Horretaz gain, azpeitiarra izatea lehenetsiko da. Informazio gehiago nahi izanez gero, deitu 943 15 71 60 telefono zenbakira.
Izen ematea, laster
Izen-ematea maiatzaren 24tik 28ra bitartean izango da (bi egun horiek barne); datozen egunotan, ikastetxeen bidez banatuko da izen emateko informazioa. Egoerak bultzatuta, aurtengo izen-ematea online egin beharko da, baina Gazte Informazio Bulegoan edozein zalantza argitzen lagunduko dio hala behar duenari.
