Javier Hurtado Turismo, Merkataritza eta Kontsumoko sailburuak elkarrizketa bat eskaini dio Onda Vasca irratiari. Bertan, merkataritzaren eta turismoaren sektoreen unea errepasatu du, bai eta ekonomiaren susperraldi mailakatua adierazten duten seinaleak ere.
Hurtadok azaldu duenez, uztaila eta abuztua arteko ostatu-erreserbetan datu positiboak antzeman dituzte, batez ere landa eremuetakoak eta naturarekin lotutakoak, eta «turismoaren susperraldi hori apurka-apurka iristen joatea» espero du. Euskadiko udako kanpaina turismo nazionalean oinarrituko da, eta horren merkatu igorle nagusiak Madril eta Katalunia izango dira, eta Estatu Batuetatik datozen bidaiarien kasuan, gehiago kostatuko da horiek berreskuratzea. «2020a baino uda hobea espero dugu, baina errealista izan behar dugu, eta ez dugu uste 2019ko kopuruetara iritsiko garenik», azaldu du.
Javier Hurtado Turismo, Merkataritza eta Kontsumo sailburuak adierazi duenez, administrazioen artean hitz egin behar da, eta Osasuneko Interritorialean sortutako gaian denak lerrokatuta egon dira, bai PSEn, bai Eusko Jaurlaritzan. Hurtadok positibotzat jo du Estatuko Aldizkari Ofizialean jasotako testuinguru-klausula, larunbatean argitaratu baitzituen azken Lurralde arteko Osasun Kontseiluan hartutako erabakiak. «Gure ustez, une honetan, gure txertaketa datuekin eta ostalaritzan egindako prozesuarekin, neurriak nahikoak ziren, eta horrela helarazi nion sektoreari lasaitasun mezu batekin», adierazi du. Hurtadok azpimarratu duenez, «Datuek positiboak izaten jarraitzea espero dugu, eta ostalaritzarekin ez ezik, beste sektore batzuekin ere deseskalatu ahal izatea». Ildo horretan, administrazio guztiak pandemiaren aurkako borrokan murgilduta daudela eta elkarguneak bilatu behar direla ziurtatu du.
