Iñigo Urkullu lehendakaria, Gotzone Sagardui Osasuneko sailburuarekin eta Rosa Pérez Osakidetzako zuzendari nagusiarekin batera, Illunbera hurbildu da, bertan baitago Osakidetzaren Gipuzkoako erreferentziazko txertaketa-guneetako bat.
Beste egun batez, Osakidetzak txertoa jartzen jarraitzen du, eta Lehendakariak hurbiletik jarraitu nahi izan du ahalmen handiko zentro batean dosiak emateko prozesua. Martxoaren 3an ateak ireki zirenetik, 176.124 dosi eman dira. Orain arte, egunean batez beste 1900 dosi jartzen dira, eta 7600 txerto ere eman dira egun bakarrean.
Astelehen honetan Illunbeko hondarreko 13. eta 14. ateak irekita, egunean 12.500 dosi ere eman ahal izango dira.
Urkullu lehendakariak nabarmendu du Osakidetza ahalegin handia egiten ari dela pandemiari aurre egiten dion populazio immunizatua handitzeko.
