TicketBai indarrean jartzen denetik aurrera, jarduera ekonomikoa egiten duten pertsona fisiko eta juridiko guztiek baldintza tekniko batzuk betetzen dituen fakturazio-software bat erabili beharko baidute.
Sistema berriak foru ogasunei ahalbideratuko diete zergadunen jarduera ekonomikoen diru sarrerak kontrolatzea eta, bereziki, amaierako kontsumitzaileak bezero dituzten jarduerenak. Era berean, informazio hori zergadunei beren zerga obligazioak betetzen laguntzeko erabiliko da.
Betebehar horiei erantzun ahal izateko, prestakuntza espezifiko bat diseinatu du gaur egun fakturazio-sistemarik ez duten eta kudeaketa eskuz (excel edo word) egiten duten zerbitzu-, eraikuntza-, industria- eta garraio-sektoreetako autonomo edo mikroETEentzat. Tailer praktiko eta presentziala izango dada, 3 ordukoa, eta interesdunek portatil batekin eta onartutako ziurtagiri elektroniko batekin joan behar dute bertara (halakorik ez dutenek eskuratzen lagunduko zaie). Tailerraren edukian, araudi berria betetzeko edozein enpresaren eskura jartzen den online plataformaren erabilera azalduko da.
Tailer informatibo hau, Azkoitiko Intxausti jauregian egingo da, aforo mugatuarekin, 09:30 – 12:30 bitartean. Jardunaldan parte hartzeko, izen ematea ezinbestekoa da (aforoa osatzen denean, itxi egingo da).
TicketBai ezartzeko, diru-laguntza
Azpeitiko Udalak abian dituen Sustapen Ekonomikorako dirulaguntzen baitan, TicketBai sistema ezartzeko gastuei aurre egiteko lerro bat jarri du. Ticket Bai sistemaren aholkularitzarako eta/edo ezarpenerako laguntza lagunduko da diruz. Gehienez ere, gastuen % 50a lagunduko da diruz; 1.000€ arte.
