Arabako Txakolinaren uzta berria aurkeztu dute gaur Amurrion. Bertan izan dira Javier Plasencia, Eusko Jaurlaritzako Elikagaien Kalitate eta Industriako zuzendaria; Eduardo Aguinaco, Arabako Nekazaritzako diputatua; Jose Antonio Merino Arabako Txakolina Jatorri Deituraren gerentea; Luis Mariano Álava Arabako Txakolinaren Artesana Elkarteko presidentea eta Txerra Molinuevo, Amurrioko alkatea.
Ekitaldian Manu Garcia, futbolaria izendatu dute 2021eko Arabako Txakolinaren enbaxadore.
Arabako Txakolinaren sektorea da bihar, ekainak 25, argitaratuko diren ezohiko laguntzen onuradunetako bat, ardoa eta txakolina destilatzeko edo biltegiratzeko erretiratzea errazteko. Laguntza horien bidez, 10 milioi euroko zuzkidurarekin, Eusko Jaurlaritzak merkatuko eskaintza orekatu nahi du, eta Euskadiko edarien sektoreko jarduerari eta horri lotutako enpleguei eutsi nahi die.
