Bizkaiko Foru Aldundiaren Ekonomia Sustatzeko Sailak berrikuntzari laguntzeko 3i eta 2i programen aurrekontu-zuzkidura handitzea onartu du 2021. urterako, lurraldeko enpresentzat. Bi programak eskatzeko epea dagoeneko itxita dago.
3i programak zuzeneko laguntzak eta itzuli beharrik gabeko laguntzak (500.000 euro arteko laguntzak) ematen dizkie lehiakortasunaren 3 faktore eragileetatik gutxienez bi (berrikuntza, nazioartekotzea eta inbertsioa) barne hartzen dituen proiektu bat duten enpresei. Programa horren kasuan, eskaerak % 20 handitu dira 2020. urtearekin alderatuta, 29 dira guztira, eta 10 langile eta 249 langile bitarteko enpresentzat xedaturik dago programa hau. Hazkundean eta enplegu-sorkuntzan eragin handia duten proiektuetarako ere bada. Laguntza programa honetarako hasierako aurrekontua 5 milioi eurokoa zen, orain 500.000 euro gehiago dira.
Berrikuntzari eta inbertsio aurreratuari laguntzeko 2i programa plantillan 5 eta 100 pertsona artean dituzten eta beren lehiakortasuna hobetu nahi duten Bizkaiko ETEentzat pentsatuta dago, enpresako edozein arlotan berrikuntza dakarten proiektuak eta alor teknologikoan aurreraturik dauden inbertsioak eginez. Hasierako 4,8 milioi euroko aurrekontuari beste 200.000 euro gehitu behar zaizkio orain. Dekretu horrek 100.000 eurorainoko laguntzak aurreikusten ditu, eta 255 eskaera jaso dira, hau da, 2020an baino % 11 gehiago.
