Gotzone Sagardui Osasun sailburuak prentsaurrekoan iragarri duenez, gaur egun, Euskadin, txertatzeko adinean dauden pertsonen % 70ek dagoeneko osatu dute COVID 19 txertoaren aurkako prozesua. Zehazki, 1.384.834 euskaldunek jaso dute immunizaziorako beharrezko dosia. Gainera, 12 urtetik gorako biztanleen % 76k, gutxienez, lehen dosia jaso du.
Osasun sailburua, halaber, pozik agertu da 60-69 urte bitarteko ia kolektibo osoari txertoaren bigarren dosia eman zaiolako.
Gotzone Sagarduik hitzordua hartzeko deia egin die oraindik txertatzeko hitzordua hartu ez dutenei; izan ere, gaurtik iraileko lehen astera 22.000 hitzordu baino gehiago daude libre. Bereziki haurdun dauden emakumeei luzatu die eskaera hau. Gaur egun, Euskadin, haurdun daudenen % 45ek jarraibide osoa du edo txertaketa-prozesuan dago.
Egoera epidemiologikoari dagokionez, atzo 907 kasu positibo erregistratu ziren egindako 9.567 diagnostikoetan. Oinarrizko birsorkuntza tasa (R0) 0,89koa da. Egoeraren eragina ospitaletan gora egiten jarraitzen du: zehatz mehatz, atzo 56 pertsona ospitaleratu zituzten, eta ZIU unitateetan 63 pertsona daude. Hori dela eta, Gotzone Sagarduik birusa ez zabaltzeko prebentzio neurriak mantentzeko deia egin dio gizarte osoari.
