Athletic Clubek ostegun honetako, abuztuak 5, gizonezkoen lehen taldearen entrenamendua jendearentzat irekitzea erabaki du. Lan saioa goizeko 10:30etan Lezaman izango da. COVID-19aren aurka ezarritako neurriak direla eta, eta Eusko Jaurlaritzaren azken gomendioak jarraituz, Athletic Clubek protokolo bat prestatu du publikoa gizonezkoen lehen taldearen entrenamenduetara gerturatzeko. Sarrera 1. zelaiko harmaila berrira bakarrik izango da eta 152 pertsona sartuko dira saio bakoitzean. Posta elektroniko bidez izena ematen duten lehen bazkideak izango dira, eta gehienez ere bi lagun joango dira Athleticen lan-saio bakoitzera. Izen-emate prozesua asteazken honetan, hilak 4, amaituko da arratsaldeko 16:00etan.
Interesatuek entrenamenduak@athletic-club.eus helbidera bidali beharko dute mezua, eta honako datu hauek sartu:
• Izena eta bi abizenak
• NAN zenbakia
• Bazkide kodea
• Ikusi nahiko den entrenamenduaren eguna eta ordua
Norbaitekin joan nahi izanez gero, honako hau gehitu beharko da:
• Bertaratuko diren pertsonaren edo bi pertsonen izen-abizenak
• Bertaratuko diren pertsonaren edo bi pertsonen NAN zenbakia
Ez da zozketarik egingo, izena eman dutenen zerrenda zehaztuko da izen-emate ordenaren arabera. Lurpeko aparkalekuaren sarreratik sartuko dira, eta bertan aparkatu ahal izango dute. Ondoren, sarrerako tornuetatik sartu ahal izango dira.
Zelaira sartzean, tenperatura-hartune bat egingo da (ezingo da sartu 37,5 gradura iristen badira edo gainditzen badituzte), eta gel hidro alkoholikoa egongo da eskuak garbitzeko. Nahitaezkoa izango da muxukoa jantzita joatea. Entrenamendu osoan bakarrik utzi ahal izango da eserlekua komunetara joateko.
Edukiera murrizketak direla eta, gure bazkideen erantzukizuna eskatzen dugu, Lezamara joan ahal izango direla ziur ez badakite izena ez emateko. Klubak ‘Txapelgorrien’ dispositibo berezi bat prestatuko du bertaratzen direnei edozein unetan laguntzeko eta sor daitezkeen zalantzak argitzeko. Bere esanei kasu egitea eskatzen dizugu.
