Donostiako Gobernuak asfaltatze kanpainako bi lote esleituko ditu datorren asteartean, 2020ko aurrekontuaren kontura, eta Donostiako hogei bat kaletara iritsiko dira.
Miguel Angel Diez Hiri Mantenimenduko zinegotziak adierazi duenez, «datozen hilabeteetan hainbat hobekuntza egingo dira hiriko hainbat galtzadetako zoladuran, bai kaleen zati osoak asfaltatuz, bai galtzadan sortu diren zuloak puntaz konponduz, eta horiek konpondu behar dira gehiago egin aurretik».
Kanpaina bi lotetan banatzen da. Lehenengoa 8 kaletara iritsiko da eta 11 asteko iraupena izango du, eta 12 kaletako zoladura berrituko duen bigarren loteak 15 astez luzatuko ditu bere lanak. Kanpainaren aurrekontua 434.725,05 eurokoa da eta ORSA enpresa arduratuko da kaleak asfaltatzeaz.
