Mikel Balenziagak komunikabideen galderei erantzun zien Lezamako prentsa aretoan. 2021-22 denboralditik jokatu diren hiru jardunaldien ostean eta RCD Mallorcaren aurkako partidatik astebete pasatxora (larunbata 12, 21:00etan), gipuzkoarra pozik agertu zen taldearen eboluzioarekin.
Zumarragakoak adierazi duenez, “Taldea ilusio eta autoexijentzia handiarekin dago” lehen hiru partiden ostean, non Athleticek gol bakarra jaso zuen (FC Bartzelonaren aurka) eta bi gol egin zituen (FC Bartzelona eta RC Celtaren aurka): “Denboraldi-aurrean sentsazio onak izan genituen eta ondo hasi gara. Bide onean gaude. Pixkanaka talde bezala hobetzen ari gara. Bi partida jokatu ditugu kanpoan (Elx eta Celtaren aurka). Gauzak ondo egiten ari gara defentsan eta erasoan, baina egia da hobetu egin behar dugula “.
Balenziagak, Athleticeko kapitainetako batek, batasuna talde honen alderdi garrantzitsuenetako bat dela adierazi du: “Barne lehia osasuntsua dugu. Ona da taldearentzat bakoitza bere maila gorenean egotea. Gure indarguneetako bat da edozein jokalarik jokatu eta ondo egin dezakeen talde bat daukagula”.
Lehen taldera iritsi diren Lezamako jokalari gazteei dagokienez, atzelariak denbora eskatu du, baina egunerokotasunean exijitu behar zaiela adierazi du: “Talentua duten gazte asko daude. Horrek bizitza ematen digu. Haiekin pazientzia izan behar da. Denok nahi ditugu emaitzak, baina pixkanaka joan behar dugu, baina autoexijentzia handiarekin egunero “.
