Aiete Kulturunean Paralelo 33 argazki erakusketa dago ikusgai urriaren 31 arte. Gatazkan zeharreko bidaia. Erakusketa honetan, Karlos Zurutuza, Jewan Abdi, Gilad Sade eta Andoni Lubaki profesional ezagunen lana islatzen da. Azken horrek bi domina irabazi ditu Moscow International Foto Awards ospetsuan, Sirian egindako lanagatik.
33 paraleloan, argazkiak, dokumental bat eta gerraren errealitatea hobeto sentitzen eta ezagutzen laguntzen duten objektuak biltzen ditu. Objektu horien artean daude, besteak beste, Afganistango burkak, talibanek erabiltzen dituzten sandaliak eta kazetariek erabiltzen dituzten kaskoak. Erakusketa hau Ronak Pressek ekoitzi du, profesionalek osatutako irabazi asmorik gabeko elkarteak.
Bestalde, erakusketak Karlos Zurutuza eta Andoni Lubakiren bisita gidatuak eskainiko ditu irailaren 18an eta 19an, euskaraz eta gaztelaniaz. Izena aurrez eman beharko da lankidetza@donostia.eus helbidean edo 943 481 471 zenbakian.
