13.405 parte-hartzaile izan dituzte Donostia Kirolak eta kirol klubek, bai kirol instalazioetan bai aire zabalean, udan antolatutako 2021eko UDA kanpainako ikastaroek (2020. urtean baino %9 gehiago).
Jardueren araberako parte-hartzeari dagokionez, multikirola deritzonak (hainbat jarduera hainbat ordutan) lehenengo postuan jarraitzen du (3.606 parte-hartzaile), eta ondoren surfa (1.660 parte-hartzaile), urtez urte hazten jarraitzen duelarik. Piraguismoa (1.660 parte-hartzaile), igeriketa (1.013 parte-hartzaile) eta tenisa (996 parte-hartzaile) dira beste jarduera eskatuenetarikoa batzuk.
Bukatu berri den UDA-2021 kanpainan 35 kirol erakundek hartu dute parte, eta CD Fortuna (2.942 partaide), Bera Bera (2.134), R.C. klubek. Tenisa (1847) eta Atletico SS (815) dira aurten parte-hartzaile gehien lortu dituzten erakundeak. Bestalde, Donostia Kirolak zuzenean antolatutako jardueretan 2.065 pertsonak hartu dute parte, 2020ko urtean baino %60 gehiagok.
Bestalde, gero eta gehiago dira euskarazko ikastaroetan izena ematen dutenak: 2021ean, partaide guztien %67,5-k euskerazko ikastaroetan hartu dute parte, iaz baino %7,5 gehiago.
Udako ikastaro horietan ere gero eta emakume gehiagok hartzen dute parte, izena eman duten pertsonen %55ek. Azkenik, azpimarratu behar da inskripzioen %79 online egin direla, Donostia Kirolak parte hartzen duten kluben eskura jartzen duen plataformaren bidez.
