Eneritz Albizu Kultura zinegotziak zikloaren garrantzia azpimarartu nahi izan du: «Duen kalitateagatik, eta herritarren artean duen erantzunagatik, oso garrantzitsua da guretzat. Kontzertuetara joaten den jendeak asko ezkertzen duen ekintza da». Horretaz gain, Bergara, Azkoitia eta Azpeitiko udalek elkarlanean antolatzeak ekintzari berari «aberastasuna ematen» diola gaineratu du.
Esteban Elizondo eta Jose Luis Frantzesena eskertu nahi izan ditu urte guzti hauetan egin duten lanagatik:» Elizondok utzi egingo dio antolaketari, eta biei orain artean egindako lana eskertu nahi diogu». Horrekin batera, testigua hartuko duen Fray Joseph de Echeverria elkarteak hartuko duela antolaketa gaineratu du: «Jose Luis, aurrerantzean ere, lanerako zurekin kontatzen jarraitzen dugu».
Kontzertuak ostiraletan
22 urtean igande arratsaldean, meza ostean izan dira emanaldiak. Hala ere, neguan, igande arratsaldeetan berandu dela iritzita, ostiralera aldatu dira Azpeitiko emanaldiak: «entzule eta musikariekin pentsatuta erabaki da eguna aldatzea». Hala, aurten, ostiraletan, 19:00etako mezaren ostean izango dira kontzertu guztiak.
Eskertza Elizondori
22 Urte zikloaren antolaketan Jose Luis Frantzesemarekin buru belarri aritu ostean, hastera doan zikloarekin utziko dio lan horri Esteban Elizondok. Hiru udaletako ordezkariek esker hitzak izan dituzte Elizondorentzat, eta egindako guztiagatik. Oroigarria ere eman die eskertza moduan: «Frantsezena, Itziar eta Mari Joserik gabe nik ez nukeen egin dudan ezer egingo», eskertu dio adiskide eta lankideei. Zikloaren antolaketa «organoaren kulturari eginiko ekarpena» izan dela azpimarratu nahi izan du.
Azpeitiko egitaraua
Urriak 1: Loreto Fernandez Imaz organistaren eta Ainhoa Zubillaga Mezzoaren emanaldia
Urriak 8: Azpeitiko Juan Antxieta eta Bergarako Musika Eskolako organo ikasleen kontzertua
Urriak 15: Karol Mossakowski organistaren kontzertua
Urriak 22: Brice Montagnoux organistaren eta Eva Villegas Klarinete jotzailearen kontzertua.
