Euskal Autonomia Erkidegoko Auzitegi Nagusiko presidente Iñaki Subijana Euskadiko urte judizialaren irekiera-ekitaldian izan da asteazken honetan. Subijanaren parte-hartzeak hiru ardatz izan ditu oinarri: egungo gizartean justiziak duen balioa, zentzua eta funtzioa.
Ekitaldian, EAEANk BIlbon duen egoitzan egin da. Iñaki Subijanak nabarmendu du Euskadin ari diren ia 240 epaileek ahalegin handia egin dutela eta jasotako demanden ebazpen kopurua % 28 handitu dutela, pandemiaren ondorioz auzien sarrera handitu den arren.
Gainera, EAEANko presidenteak azpimarratu du ahalegin horren eta egindako errefortzu-plan espezifikoen ondorio onuragarrien ondorioz, 2021eko ekainean ordena juridiko guztietako ebazpen-tasa 2020ko martxoan 0,99 izatetik 2021eko ekainean 1,06 izatera igaro dela (hau da, sartzen dena baino gehiago konpontzen da). Horren ondorioz, pendentzia-tasa 1,85etik 1,57ra jaitsi da, eta itomen-tasa ere jaitsi egin da, 2,78tik 2,77ra.
