“Herriko enpresak eta industria ezagutu eta dituzten beharrak ezagutzea da lehentasuna. Horretarako ezinbestekoa da harreman zuzena”, adierazi du Nagore Alkorta alkateak. Garrantzitsua iruditzen zaio emandako laguntzekin egindako hobekuntzak ezagutzea ere: “Urtero ia milio erdi bideratzen dugu herriko ekonomia sustatzera, eta laguntza horrekin gauzatzen diren proiektuak ezagutzeko balio dute horrelako bisitek”.
1983an irekitako enpresa da Marpe eta sukaldeko altzarietarako eta molduretarako ateen fabrikazioa izan da jarduera nagusia ordutik. Hala ere, azken urteotan, azken urteotan, enpresak aldaketa handia izan du; horrela azaldu zien Santillanak. Erandaketa horretarako bultzada izan dira, besteak beste, Sustapen ekonomikorako laguntzak. Hainbat inbertsiotarako eta dibertsifikaziorako laguntza jaso izan du. 2020. urtean energia autokontsumorako plaka fotovoltaikoak jartzeko laguntza jaso zuen, eta otsailean instalatu zituen. Lanpostuak sortu asmoz, azpeitiarrak kontratazeko laguntza ere eskatu du. Gaur egun 16 lanpostu ditu.
