Ekobailara IX azpiproiektuaren baita brigadarako 3 peoi kontratatzeko deialdia dagoeneko abian da, eta azaroaren 19a bitartean izango dute interesdunek izena emateko epea. Lan eskaintzara aurkezteko Lanbiden izena emanda egon behar da, diru sarrerak bermatzeko errenta jasotzaileak izan beharko dute eta erakunde horren bitartez egingo da izen ematea.
Eskaintzen den postuan esperientzia izatea, euskararen ezagutza izatea, azpeitiarra izatea edo Azpeitian bizitzea baloratuko da.
Beste hiru lagunen kontratazioa ere laster
Formateu X-TIC azpiproiektuaren baitan beste hiru pertsona ere kontratatuko dira udalean lan egiteko. 3 langabetuak 35 urte baino gutxiago izan beharko dituzte, langabezi egoeran egon beharko dute; emakumeek lehentasuna izango dute kontratazioan.
Azken lan-eskaintza horien izen ematea azaroaren bukaeran abian jartzea aurreikusten da, eta deialdi publikoa egingo du udalak.
