Barakaldoko Antzokiak bihar (abenduaren 11a, larunbata) jarriko ditu salgai Pirritx, Porrotx eta Marimotots pailazoen ikuskizunerako sarrerak. Ohikoa denez, Barakaldoko Gabonaldiko programazioaren parte izango dira aurten ere. Antzezlan proposamenak `Kuikui‘ izenburua du eta ikusle guztientzako ikuskizuna da.
Pailazoek bitan antzeztuko dute abenduaren 19an, igandean, 16:30ean eta 19:00etan. Sarrerek 6 euro balio dute eta salgai egongo dira bihar 18:00etatik aurrera antzokiaren webgunean baita leihatilan ere. www.teatrobarakaldo.eus. Pertsona bakoitzak zortzi sarrera erosi ahal izango ditu, gehienez ere.
Urtero bezala sarrerekin lortzen den dirua proiektu solidario batera bideratuko da, Gabonaldia Gabonetako programako beste ekitaldi solidario batzuekin batera.
Garrantzitsua da gogoratzea ikusle orok bere sarrera eraman behar duela. Gainera, maskara erabiltzea derrigorrezkoa izango da sei urtetik gorakoentzat, eta sei urtetik beherakoentzat ere oso gomendagarria izango da.
