Igande honen hasita, urtarrilak 9, dantza Bilboko Casillara itzuliko da “Txitxarrilloak” izenarekin ezagutzen denaren bitartez. Jarduera 18:00etatik 21:00etara izango da, urtarrileko eta otsaileko igandeetan. Horren bitartez, Bilboko Udaleko Lankidetza, Bizikidetza eta Jaietako Sailak zahartze aktiboa eta osasungarria sustatzea, sedentarismoaren aurka borrokatzea eta adinekoen artean sozializazioa sustatzea du helburu. 1970etik datorren hitzordua klasikoa da Bilboko Udalaren jai eta kultur programazioan. Izan ere, datozen bi hilabeteetan, Bilboko orkestra ospetsuenak arituko dira “Txitxarrilloak” izenekoetan.
Hitzorduak doakoak izango dira eta ordu erdiko atsedenaldia izango dute. Beste behin ere, eta Casillak 700 laguneko edukiera duen arren, 600 lagunera mugatuko da. Gainera, pabiloiko langileak egongo dira instalazioa irekitzeko eta edukiera kontrolatzeko. Baita anbulantzia-zerbitzua ere, ekitaldiaren ordutegian, sor daitekeen edozein ezbeharretarako.
Era berean, Eusko Jaurlaritzak barneko kultur ekitaldiei buruz adierazitako Covidaren aurkako neurriak gordeko dira; beraz, bertaratzen den jende guztiak uneoro eraman beharko du musukoa, eta Covid Ziurtagiri Digitala (QR) eta NANa aurkeztu beharko ditu. Pandemia hasi zenetik egin den bezala, Bilboko Udalak osasun-agintariek unean-unean hartzen dituzten erabakien arabera egokituko ditu jarduketa-protokoloak programatutako jardueretan.
DANTZALDIAK OTSAILERA ARTE
- Urtarrilak 9: Casillako pabiloian, 18:00etatik 21:00etara. Pergola orkestra
- Urtarrilak 16: Casillako pabiloian, 18:00etatik 21:00etara. Maran orkestra
- Urtarrilak 23: Casillako pabiloian, 18:00etatik 21:00etara. Galea orkestra
- Urtarrilak 30: Casillako pabiloian, 18:00etatik 21:00etara. Jamaika orkestra
- Otsailak 6: Casillako pabiloian, 18:00etatik 21:00etara. Maran orkestra
- Otsailak 13: Casillako pabiloian, 18:00etatik 21:00etara. Pergola orkestra
- Otsailak 20: Casillako pabiloian, 18:00etatik 21:00etara. Jamaika orkestra
- Otsailak 27: Casillako pabiloian, 18:00etatik 21:00etara. Galea orkestra
