Idoia Mendia lehendakariorde eta Lan eta Enplegu sailburuak espero du enplegua hobetzeko lan-esparru berriari buruzko akordioa baliozkotzea, eta nabarmendu du «erreforma ona» dela, «Langileentzat kaltegarriena dena ezabatzen duena eta enpresaburuei enplegua sortzen laguntzen diena».
Radio Euskadiko Boulevard saioan egindako elkarrizketa batean, Mendiak gizarte-eragileekin lortutako akordioaren balioa azpimarratu du, eta Bizitzeko Gutxieneko Diru-sarreraren hurrengo transferentziari buruz ere hitz egin du.
Ildo horretan, gogorarazi du «ni naizela ahalik eta lasterren iristeko interesik handiena duena», berak zuzentzen duen sailak aurreikusi baitu Gizarteratzeko eta Diru Sarreren Euskal Sistemaren Legean diseinatutako ereduan integratzea. «Horregatik, transferentzia osoa eta behin betikoa izan behar da, transferentzia guztiak bezala», gaineratu du.
