Igande honetan, Gabonetako irudi tipikoenetako bat biziko du Barakaldok, baina urteari agur esan beharrean, San Silvestrek otsailari esango dio agur. Udalak eta Barakaldoko Txirrindularitza Elkarteak, ekitaldiaren antolatzaileak, proba atzeratzea erabaki zuten, pandemiaren egoera zela eta. Horrela, ia bi hilabete geroago, hiria prest dago korrikalariek hirian gehien maite duten hiri-ibilbideetako bati aurre egin diezaioten, 5.800 metro dituen San Silvestrekoari, alegia.
Urtero legez, probak bi lasterketa ezberdin dauzka: solidarioa, korrikalari txikienentzat, eta lasterketa handia. Lehenengoa, Herriko Plazatik abiatuko da 11:00etan, 4 urte bitarteko haurrekin hasita. Ondoren, 5-6 urtekoak, gero 7-8koak, gero 9-10koak eta azkenik, 11-12 urtekoak, amaitu arte, 11:45 aldera.
LASTERKETA SOLIDARIOA
Haurrentzako lasterketak jolasteko aukera paregabea eskaintzen die. Parte-hartzaile gazteenei senideek lagundu ahal izango diete, (betiere gainerako parte-hartzaileak errespetatuz), eta ez dute zertan ibilbidea osatu. Korrikalari guztiek opari bat jasoko dute helmugara iristean. Lasterketa solidarioa denez, izena ematea doakoa da, baina parte-hartzaile bakoitzak galtzen ez den kilo bat janari eman beharko du, eta Barakaldoko Txirrindularitza Elkarteak Barakaldoko Elikagaien Bankuari emango dio.
12: 00etan hasiko da lasterketa handia, eta behar den denbora guztia izango da ibilbidea edozein erritmotan amaitzeko. Proban parte hartzen dutenen artean oparien zozketa egingo da, eta trofeoak banatu ondoren emango dira, 13: 00etan gutxi gorabehera.
NOLA EMAN IZENA
Dortsal banaketa eta izen-emateak, bai haurrentzat bai lasterketa handirako, OTO Kirolak-en (Barakaldoko Foruen pasealekua, 6. zk.) egingo dira, 24an eta 25ean, 09:30etik 13:30era eta 16:30etik 20:00etara. Larunbatean, hilak 26, goizeko 09:30etik 13:30era baino ez. Eta igandean, Barakaldoko Herriko Plazan 9.00etatik aurrera. Igandean, hilaren 27an, azken orduko izen-emateak egin ahal izango dira, proba hasi baino 30 minutu lehenago.
Probari buruzko informazio guztia www.barakaldesa.com webgunean aurki daiteke.
