Lehen deialdi honetan, Lehen Mailako Arretako kategoriei eman zaie lehentasuna; deialdiko eskatzaileen % 83 emakumeak dira
38.654 izangai izango dira, guztira, Osakidetzaren 2018-2019ko LEPeko lehen fase honetan deitutako 1.610 plazetarako; izangaien % 83 emakumeak dira. Osteguna izan zen deialdian izena emateko azken eguna; izena emateko epea zabalik egon da kanal telematikoen eta presentzialen bidez, pasa den urtarrilaren 25etik. Gogorarazi behar da probak udaberriaren amaieran edo udaren hasieran egingo direla.
Izena emateko itxi berri den epea 2018-2019ko LEPen bi faseetako lehenari dagokio. Zehazki, 19 kategoria ditu, besteak beste, Lehen Mailako Arretari dagozkion espezialitateena; haiei lehentasuna eman nahi izan zaie, ahalik eta plaza kopuru handiena egonkortzeko ahalegina egiteko. Kategorien arabera, honako hauek dira jasotako izen-emateak:
| KATEGORIAK | IZANGAIAK | ESKAINITAKO PLAZAK |
| FAK. ESP. FAMILIAKO MEDIKUA – LMT
|
1320 | 332 |
| FAK. ESP. PEDIATRIAKO MEDIKUA – LMT
|
208 | 51 |
| ERIZAINA | 15006 | 830 |
| LAN-OSASUNEKO ERIZAINA | 128 | 7 |
| OSASUN MENTALEKO ERIZAINA
|
203 | 37 |
| FISIOTERAPEUTA
|
2384 | 37 |
| EMAGINA
|
599 | 54 |
| OPTIKA ETA OPTOMETRIAKO DIPLOMATUA | 255 | 8 |
| LOGOPEDIAKO DIPLOMATUA
|
148 | 4 |
| TERAPEUTA OKUPAZIONALA
|
344 | 10 |
| GIZARTE-LANGILEA | 1741 | 13 |
| ANATOMIA PATOLOGIKOKO TEKNIKARI ESPEZIALISTA
|
419 | 7 |
| AUDIOPROTESIKO TEKNIKARI ESPEZIALISTA
|
97 | 1 |
| DIETETIKAKO TEKNIKARI ESPEZIALISTA
|
426 | 3 |
| OSASUN-DOKUMENTAZIOKO TEKNIKARI ESPEZIALISTA
|
429 | 9 |
| LABORATEGIKO TEKNIKARI ESPEZIALISTA
|
2638 | 79 |
| ERRADIODIAGNOSTIKOKO TEKNIKARI ESPEZIALISTA
|
2053 | 61 |
| ERRADIOTERAPIAKO TEKNIKARI ESPEZIALISTA
|
381 | 8 |
| ADMINISTRARIA
|
9875 | 59 |
Bestalde, Osakidetza bigarren deialdiaren oinarriak prestatzen amaitzen ari da; hartan, gainerako kategoriak sartzen dira. Laster emango du oinarrien berri, baina aurreikusten da haren azterketak 2022aren amaieran egitea. Guztira, 2018-2019 LEPen, 3.535 plaza eskainiko dira.
Osakidetzak gogorarazten du LEPen bidez plantillak finkatu eta egonkortasun handiagoa eman ahalko zaiola Lehen Mailako Arretari, bai eta osasungintza-sistema osoari ere.
