Talent House egoitzan izan da Donostia Innovation Challenge ekimenaren 2021eko edizioaren azken ekitaldia. Bertan, Donostiako 380 ikaslek hartu dute parte, hiria hobetzeko beren ideiekin eta proiektuekin.
Beren ideiak eta proiektuak garatzeko, ikasleek Donostiako hainbat zentro teknologikoren laguntza izan dute, adibidez:
- Biodonostia
- Tecnun
- Ikusi
- Vicomtech
- Developair
- Ikor
- Ceit
- Domotek
- Nuavis
- Irisbond
- Educareality
- Naru Intelligence
- Cybersurgery
Horiek guztiek laguntza eman diete ikasleen ideiei, teknologia disruptiboak integratuz beren prototipoetan, adibidez, 3D inprimaketa, robotika aurreratua, errealitate mistoa, adimen artifiziala eta internet of things deitua.
Ekonomia Bultzatzeko zinegotzi Marisol Garmendiak eskertu egin du ikasle gazteen partaidetza, eta nabarmendu egin ditu aurkezturiko ideiak eta proiektuak “donostiarren bizitza kalitatea eta Donostiaren hiri garapena hobetzeko. Oraina zarete, baina etorkizuna idazten ari zarete, zuen etorkizuna. Zuen eta gainerako herritarren bizitza baldintzak hobetzen parte hartzea oso garrantzitsua eta eskertzekoa da. Zuen ideiak ez dira alferrikakoak izango. Seguru nago berandu baino lehen egi bihurtuko direla”.
Bost hilabeteko lanaren ondoren, Donostia Innovation Challenge ekimenak bere sariak eta aitormenak eman ditu, 12 kategoriatan banatuta. Edizio honetan parte hartu duten ikasleak:
- Saint Patricks
- Cebanc
- Ceinpro
- Nazaret Fundazioa
- IES Altza BHI
- Tecnun
- Axular Lizeoa
- Ekintza Ikastola
- Aldapeta María Ikastetxea
- EHU
- Deustu
Aurkezturiko ideia eta proposamenen artean hauek daude:
- Mugikortasun zailtasunak dituzten pertsonentzat ibilbide seguruak identifikatzeko app bat
- Itsasora botatzen diren isuri kutsatzaileak antzemateko sistema bat dronen bidez
- Etorkizuneko etxebizitza batean altzariak «ikusteko» betaurreko batzuk
- Arropa probagela birtuala
- Gailu bat gorrek mugikorraren bidez klase bat jarraitu ahal izateko
- Zabor edukiontzi adimendunak zaborra jasotzeko ibilbideak optimizatzeko
- App bat erosketa berdea gauzatzeko zuzenean tokiko nekazariekin edo ekoizleekin
