Arantxa Tapia Ekonomiaren Garapen, Jasangarritasun eta Ingurumeneko sailburuak Ukrainaren inbasioak Euskadiko jarduera ekonomikoan izan duen eraginari buruz hitz egin du gaur goizean.
Tapia sailburuak adierazi du goiz dela benetako eragina jakiteko, baina energiaren eta erregaien prezioa igotzen ari dela argi dagoela onartu du. «Egoera hori jasanezina da prezioaren igoera horrek produktuen azken prezioetan eraginik ez duenean», gaineratu du.
Ildo horretan, Europa mailan egoera kontrolatzeko hartu daitezkeen neurrietako batzuk aipatu ditu: elektrizitatearen prezioa gasaren preziotik bereiztea, energiaren prezioan maximo batzuk ezartzea oro har, eta neurriak hartu ahal izatea, hala nola enpresentzako zuzeneko laguntzak. “Hiru alderdi horiek une honetan pairatzen ari den egoera arintzen lagun lezakete”, azpimarratu duenez.
Arrantzaleen egoerari buruz galdetuta, Ekonomiaren Garapen, Jasangarritasun eta Ingurumeneko sailburuak esan du, une honetan, arrantzara ateratzeko konpromisoa dutela, “baina nolabaiteko prebentzioa dute portura ekartzen dutenarekin gerta daitekeenarekin”. Tapiak azaldu duenez, gasolioaren prezioaren igoerak zuzenean eragiten die. “Prezio horiei eustea eta zuzeneko laguntzak ezartzea izango da egoera arintzen laguntzeko modua. Ez dut esango konponduko duenik, baina gutxienez jasan eta jarduerarekin jarraitu ahal izango lukete”, berretsi du.
