Turismo, Merkataritza eta Kontsumo Sailak laguntzak deitu ditu Euskadiko helmugen erakargarritasuna eta kalitatea hobetuko duten eta turismo-fluxu berriak dinamizatu, banatu eta sortuko dituzten turismo-proiektuak garatzeko.
Laguntzen zenbatekoa 1.450.000 eurokoa da, eta Euskadiko helmugen erakargarritasuna eta esperientzia turistikoa hobetzera bideratuta dago, hala nola turismo gastronomikoarekin, natura-turismoarekin, bileretako eta pizgarrietako turismoarekin, kultura-turismoarekin, familia-turismoarekin, turismo industrialarekin, erosketa arduratsuen turismoarekin, LGTBI turismoarekin, turismo seniorrarekin eta helmugen garapen turistikorako estrategikotzat jotzen diren eta turismo-produktuaren plan bat duten beste batzuekin lotutakoak.
Helmugen lehiakortasuna eta iraunkortasuna hobetzen duten ekimenak ere kontuan hartuko dira, eta, alderdi horretan, Euskadiko Turismo Kode Etikoaren jarraibideekin bat datozen eragileak hartuko dira kontuan.
Laguntzak 2022ko apirilaren 19ko EHAAn argitaratuko dira, eta 2022ko apirilaren 20tik maiatzaren 19ra bitartean aurkeztu ahal izango dira.
