AAC eta Energiaren Euskal Erakundeak Bilbao Exhibition Centren antolatutako ekitaldian, eskualde atlantikoek itsas energia berriztagarriak hedatzeko asmoak eta planak partekatu dituzte gaur goizean. Gaurko bileran adierazpen politiko bat adostu dute, eremu atlantikoan itsas zabaleko energia berriztagarrien garapen sendoari laguntzeko hartu beharreko etorkizuneko pausoei buruz AACren ikuspegia ezartzen duena.
Adierazpen hori gobernu nazionalei eta EBko erakundeei zuzenduta dago, eta Errusiak Ukrainari egindako erasoaren ondorioz energiaren prezioen hegazkortasun handiko testuinguruak baldintzatzen du. Era berean, Ukrainaren inbasioa aho batez gaitzetsi dute AACko ordezkari politikoek.
Eskualdeek energia eolikoaren sektoreko ordezkariekin, Europako Batzordearekin, Europako Parlamentuarekin eta Europako Inbertsio Bankuarekin eztabaidatzeko aukera izan dute, espazio atlantikoa Europak Errusiarekiko duen energia-autonomiaren zutabe bihurtzeko bitartekoei buruz, REPower EUn ezartzen den bezala.
Ekitaldia amaitzeko, BAKeko ordezkariek bisita egin dute Bilboko portura. Bertan, zehatz-mehatz ezagutu dute Bizkaiko Itsas Energiaren Plataforma, Bimep eta Saitec, itsasoko energia eolikoaren plataforma flotatzailea.
