Altzako Udal Kiroldegi berriaren irekiera bi hilabete aurreratuko da eta apirilaren 20an irekiko da. Donostiako Udalak, Donostia Kirolaren bitartez, otsailaren erdialdean hasi zen kiroldegia ekipatzen, obren fasea amaitu ondoren, eta, hasiera batean irekitzeko aurreikusitako data ekaina bazen ere, ahalik eta gehien aurreratzea izan da lehentasuna.
Jardueretako programa
Donostia Kirolak, instalazio honen erabiltzaile izango diren hainbat kirol-klubekin batera, doako jardueren programa zabala prestatu du kiroldegiaren irekiera dela eta, doako ikastaroekin, umeentzako uretako jolasekin, waterpolo tailerrekin, gimnasia erritmikoarekin, nordic walkingarekin edo Txernobilgo haurren aldeko erronka solidarioarekin, besteak beste.
Casa NAO behin-behineko gimnasioa irekita egongo da
Bere garaian kiroldegiko lanak amaitu bitartean behin-behineko irtenbide gisa sortu zen instalazio hau irekita mantentzeko, Donostia Kirolak eta Judo Club San Sebastianek, Anoetako Arte Martzialen Zentroak dagoeneko kudeatzen duenak, akordioa lortu dute.
Horrela, NAO etxeko gimnasioa irekita egongo da eta Kirol Txarteleko abonatuek gimnasioa erabiltzen jarraitu ahal izango dute. Gainera, Judo Club San Sebastianek arte martzialekin lotutako jardueren eskaintza egingo du, Altzako Kiroldegian egiten diren jardueren osagarri.
Gimnasio hau apirilaren 13an itxiko da egokitzapen batzuk egiteko eta maiatzaren 2an irekiko da berriro. Ordutegia oraingoa baino murritzagoa izango da, astelehenetik ostiralera 17: 00etatik 22: 00etara eta larunbatetan 9: 00etatik 14: 00etara.
Erlazionatutako dokumentuak
2022/04/08-an argitaratua
