Euskara ikasteko ikastaroen matrikula doan izan dezakete herritarrek. Gaur arratsaldean aurkeztu du Iratxe Foces Euskara arloko zinegotziak euskara ikasteko laguntzak arautzen dituen araudia aldatzeko proposamena, ikastaroak doan izan daitezen. Gehiengo osoz onartu zen udal osoko bilkuran proposamena, eta ikasturte honetatik aurrera matrikularen zenbateko osoa jasoko dute. «Aldaketaren ondorioz, neurri efikaza izango dugu geure udalerrian euskararen normalizazioa bultzatzeko, oso kitzikagarria izango baita barakaldarrentzat Udalak euskararen ikasketaren gastuak bere gain hartzea, onuradun izateko baldintzak beteta», azpimarratu du Focesek.
Eusko Jaurlaritzak euskara doan ikastearen aldeko politika egin du azken urteotan. Horrela, HABEn euskara doan ikasi ahal izatea bermatzen du B2 mailara arte. Testuinguru horretan, Barakaldoko Udalak euskara doan ikastea sustatzeko politika jarri du martxan, Eusko Jaurlaritzaren laguntzaz, eta, beharbada, maila guztietara zabalduko du aukera. «Alegia, araudira orain arte bilduta zeuden dirulaguntza jaso zezaketen kolektibo bereziek – hala nola, merkatariak, ostalariak, 16 urtetik gorako adingabeen gurasoak – bete beharreko beharkizunak malgutu ditugu. Halaber, orain arte araudian jasotzen ziren % 60ko eta % 80ko ehunekoak, gehienez ere, zer kasutan entregatu behar ziren. Horrela, orain arte ezarritako diru-sarreren baremoak, hirian gutxienez urtebete jarraian erroldatuta egotea edo ikastaroaren % 70ean gutxienez egotea betetzen duten edozein euskara-ikaslerentzat izango dira laguntza horiek, besteak beste, azpimarratu du Fozasek.
Beraz, arratsalde honetan onartutako aldaketaren ondorioz, Udalak ikastaro osoa lagunduko du diruz, HABEk ikasleari emandakoa deskontatuz, dirulaguntzak osagarriak baitira. 40.000 euroko partida dauka Barakaldok laguntza horien bitartez euskara ikasteko.
