Bilboko Udaleko Bidebarrieta Kulturguneak, “Matematika eguneroko bizitzan” zikloaren barruan kokatzen den hitzordu berria proposatzen du, MAIATZAREN 5EAN, OSTEGUNA.
Hitzaldia 19:00etan hasiko da Bidebarrietako Liburutegiko Areto Nagusian eta, bertan, Adimen Artifizialaren aurrekariak eta adimen artifizial modernoaren sorburutzat jotzen den Dartmoutheko bileraren hainbat alderdietaz hitz egingo da.
“Inteligencia Artificial: Pasado, Presente y Futuro” izenburupean, Pedro Larrañagak, Konputazio Zientzietako eta Adimen Artifizialeko katedraduna Madrilgo Unibertsitate Politeknikoan, publikoarekin partekatuko ditu optimizazio heuristikoaren bidez ebatzitako benetako arazoen adibideak eta gainbegiratutako sailkapenaren, clustering-aren edo errefuertzo bidezko ikaskuntzaren bidez modelizatzea eskatzen duten beste arazo batzuk. Gainera, hainbat arlotako sistema adimendunen adibideak erakutsiko dira: aisia, entretenimendua eta kultura, hiri-plangintza eta berroneratzea, ekosistemak, elikadura, biozientziak, fabrikazio aurreratua eta energia; eta, amaitzeko, Adimen Artifizialaren barruan eztabaidagarriak diren zenbait gai jorratuko dira: enplegua, diskriminazio algoritmikoa, etika, haur-hezkuntzaren bidezko irakaskuntza, edo gizatasun ondokoa.
Pedro Larrañagak Computational Intelligent Group taldea zuzentzen du. Bere ikerketa-interesak optimizazio heuristikoan eta ikaskuntza automatikoan metodologia berriak garatzean oinarritzen dira, bereziki aldagaiak hautatzeko metodoetan eta Bayesiar sareetan. Ikerketa-proiektu publiko zein pribatuak garatu ditu hainbat arlotan: biomedikuntza, neurozientziak, zibersegurtasuna eta 4.0 industria. 33 doktore-tesi zuzendu ditu eta 200 artikulu baino gehiago argitaratu nazioarteko aldizkarietan. 2007-2010 aldian Informatikako Plan Nazionalaren arduraduna izan da, eta 2019an Adimen Artifizialaren arloko I+G+b Espainiako Estrategia egiten parte hartu du. Bere ikerketa-jarduerak hainbat sari jaso ditu, besteak beste, 2013ko Informatikako Sari Nazionala edo 2018ko Adimen Artifizialeko Espainiako Elkartearen Saria.
MATEMATIKA EGUNEROKO BIZITZAN
“Matematika eguneroko bizitzan” programa Bilboko Udalak, Euskal Herriko Unibertsitateko (UPV/EHU) Zientzia eta Teknologia Fakultateak eta Real Sociedad Matemática Española izenekoak antolatu dute elkarlanean, Basque Center for Applied Mathematics (BCAM) izenekoaren eta Radio Euskadiren laguntzarekin. Zikloa, Bidebarrieta Zientifikoaren urteko programazioaren barruan dago. Ekimenak beste programa batzuk ere jasotzen ditu “Darwinen Eguna” edo “Ellas hacen ciencia”, besteak beste, zientzia jende guztiari, era atseginean, zorrotzean eta didaktikoan hurbiltzeko eta egunerokotasuna duten zientziari buruzko gaiak ezagutarazteko helburuarekin.
BIDEBARRIETA KULTURGUNEA Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.
SARE SOZIALAK:
